Atopeime con moito máis do que agardaba. Son María Rodríguez (22), graduada en Historia da Arte pola USC. Na actualidade estudio un máster de Estudos da Literatura e da Cultura. Fai uns días tiña na mente a inamovible idea de continuar ó ano que ven co doutoramento, pero estas xornadas tiveron tanta repercusión en min que estou pensando en dedicarme  profesionalmente á fotografía artística. Sempre sentín atracción por este campo, pero recientemente descubrín que agochaba unha habilidade en potencia. Quería explotalo dalgún xeito, que tivese certa repercusión, pero sentíame frustrada ó non conseguir nada máis que un mero eco entre o meu blog e os amigos de facebook. Entón, xusto por este mesmo medio, lin un pequeno anuncio onde ofrecían unha remuneración por grabar e facer un vídeo final dunha serie de xornadas. Eu non tiña nin idea sobre que ían tratar. A mín o que me interesaba era a experiencia que adquiriría (pois sería a primeira vez que traballaría seriamente nalgo do que so tiña coñecementos autodidactas e pouca práctica), e os cartos.

Emprende Máis era o grupo organizador. Reuninme con eles para especificar as miñas funcións, explicándome en que consistían as xornadas de Vitamína-T. Nin sequera nese momento me interesou o suficiente como para apuntarme, feito que cambio radicalmente tras escoitar as charlas. Estaba tan absorta e tan emocionada co que escoitaba que case esquecía facer o meu traballo. Cando rematou a primeira sesión non dubidei, inscribíndome enseguida e participar nas súas actividades. E o que descubrín foi máis do que me imaxinaba, tanto a nivel personal como profesional. Agora entendo o meu desinterese inicial: o descoñecemento. Non sabía quen eran os poñentes, nin era sabedora dos temas que ían comentar. Todo sonábame raro: empresas, marketing, emprender... Eu tiña claro o que quería facer coa miña vida: acabar o máster, presentar a tese e buscar traballo como periodista cultural na radio. Tampouco me desagrada, pero tras “vitaminarme” coas catro sesións, estou comezando a encamiñar o meu tempo a outras opcións. E o vexo posible, porque non empezo soa. Nas charlas coñecín a moita xente coas mesmas ganas de poñer en acción o seu potencial. En concreto un rapaz, e xuntos queremos levar a cabo un proxecto de fotografía, animais e arte. Ampliei a miña marca persoal (InterpretArte) ata twitter.

Agora mesmo véxome co doble de forza, ánimo e ganas que antes. Estes encontros supuxeron a miña primeira vez en moitos campos. Ó longo das xornadas falabamos da conexión dos puntos no futuro, da repercusión que terán máis adiante os nosos actos, aínda que agora non nos percatemos. Só se poden unir os puntos hacia atrás. E neste caso, xa comprobo a consecuencia de ter asistido. Estou desexando ir a máis actividades do estilo. Gustaríame volver a escoitar os fabulosos ánimos de Roberto Pérez Marijuán e Juan José Romero Crusat (Suma Importancia), así como os útiles consellos de Santiago Martínez Suárez. Foi tamén de gran axuda a motivación de Dolores Diz Schrader, porque se albergaba dúbidas en ir ó estranxeiro para abrirme camiño, agora non teño ningunha! Finalmente, síntome moi agradecida por teres participado gratis neste encontro, da man do incansable e eficaz grupo Emprende Máis. Querería colaborar con eles de novo no seu voluntarioso traballo, necesario para moita xente, motivando, pouco a pouco e co apoio necesario, a cada vez máis emprendedores.